Liðuggerð

Tá ein prentlutur er prentaður, skal hann gerast liðugur. Vit falsa, stifta, skera, gera bukkistrikur, stansa, seyma, hefta, líma, binda inn, runda horn, perforera, blokka, hola, nummerera og seta  dupultklistrandi tape og klistrimerkir á.

Vilt tú hava eina meira eksklusiva liðuggerð, hevur tú fleiri møguleikar at velja ímillum:

Lakering: Tú kanst lakera eina heila flatu við mattum ella blonkum lakki. Tað ber eisini til at lata silvur-  ella gullglimmur í lakkið.

Partiel lakering: Tað ber eisini til at lakera partar av einari flatu við mattum ella blonkum lakki. Lakkið kann vera líka flatt sum sjálv prentflatan, so tað bara sæst og ikki merkist, men tað kann eisini vera eitt tjykkri lag sum merkist, tá tú letur fingrarnar kína eftir tí. Silvur- og gullglimmur kann latast í lakkið.

Kachering: Tá vit kachera leggja vit eitt tunt lag av laminat á prentflatuna. Tað gevur prentlutinum eitt ”look” sum skarar framúr, og ger hann eksklusivan at nema við. Umframt at tað bæði verjir og styrkir pappírið.